आओ आओ जी पधारो बाबा श्याम भजन लिरिक्स

आओ आओ जी पधारो बाबा श्याम,
बुलावे थारा टाबरिया,
थारे स्वागत को कर राख्यो इंतजाम,
बुलावे थारा टाबरिया,
आओ आओं जी पधारो बाबा श्याम,
बुलावे थारा टाबरिया।।

पलके बिछाई राह में थारी,
बेगा सा आ जाओ,
थारे दरश की प्यासी आंख्या,
इनकी प्यास बुझाओ,
म्हारे हिवड़े ने मिल जावेगो आराम,
बुलावे थारा टाबरिया,
आओ आओं जी पधारो बाबा श्याम,
बुलावे थारा टाबरिया।।

चोखा भजन सुनावांगा जो,
थारे मन ने भावे,
भाव भरया भजना से थारो,
जी राज़ी हो जावे,
इब तो आ ही जाओ म्हारा सुखधाम,
बुलावे थारा टाबरिया,
आओ आओं जी पधारो बाबा श्याम,
बुलावे थारा टाबरिया।।

हे रंग रसिया हे मन बसिया,
बात राखल्यो म्हारी,
‘बिन्नु’ बोले थारी म्हारी,
प्रेम की रिश्तेदारी,
बाबा प्रेम निभानो थारो पहलो काम,
बुलावे थारा टाबरिया,
आओ आओं जी पधारो बाबा श्याम,
बुलावे थारा टाबरिया।।

आओ आओ जी पधारो बाबा श्याम,
बुलावे थारा टाबरिया,
थारे स्वागत को कर राख्यो इंतजाम,
बुलावे थारा टाबरिया,
आओ आओं जी पधारो बाबा श्याम,
बुलावे थारा टाबरिया।।

music video bhajan song

कृष्ण भजन आओ आओ जी पधारो बाबा श्याम भजन लिरिक्स

Leave a Reply