खाटु वाले श्याम बाबा,
थाने लीले चढ़ आनो है,
भक्ता रे कीर्तन में,
टाबरा रे कीर्तन में,
आके धूम मचानो है,
खाटू वाले श्याम बाबा।।

बेगा बेगा आओ जी,
थाने आसन बिठावा जी,
थारी मनवार करा,
थारा लाढ़ लड़ावा जी,
भक्ता के संग थाने,
कीर्तन में नचाणो है,
खाटू वाले श्याम बाबा,
थाने लीले चढ़ आनो है।।

कई थारो म्हारो रिश्तो है,
दुनिया ने बतास्यु म्हे,
म्हारा कुटुंब कबीला ने,
थारे से मिलवास्यु म्हे,
बाबो म्हारे हिवड़े बसे,
सगळा ने बतानो है,
खाटू वाले श्याम बाबा,
थाने लीले चढ़ आनो है।।

फुलास्यू आज थारो,
दरबार सजायो हाँ,
दोनों हाथ जोड़ प्रेम स्यु,
बाबा थाने बुलाया हाँ,
‘केशव’ ने हिवड़े स्यु,
आज थाने लगानो है,
खाटू वाले श्याम बाबा,
थाने लीले चढ़ आनो है।।

खाटु वाले श्याम बाबा,
थाने लीले चढ़ आनो है,
भक्ता रे कीर्तन में,
टाबरा रे कीर्तन में,
आके धूम मचानो है,
खाटू वाले श्याम बाबा।।

Music video bhajan song

कृष्ण भजन खाटु वाले श्याम बाबा थाने लीले चढ़ आनो है भजन लिरिक्स
तर्ज – बाबुल का ये घर।

Leave a Reply

Your email address will not be published. Required fields are marked *