पुरबजी इण रे अवसरीये वेगा आवजो,
पुरबजी इन रे अवसरीये वेगा आवजो,
ओ थेतो आवो ओ भगतो रा बीरू आवजो,
मारा कुलरा देवा,
इन रे अवसरीये वेगा आवजो।।

अरे पुरबजी जमलो देरावु थारे नाम रो,
पुरबजी जमलो देरावु थारे नाम रो,
ओ थेतो जागन माय वेगा वेगा आवो,
ओ भगतो रा बीरू आप ओ मारा कुलरा देवा,
इन रे अवसरीये वेगा आवजो।।

अरे पुरबजी काका बाबा ओ थोने अरज करे,
पुरबजी काका भाबा ओ थोने अरज करे,
ओ थेतो राखो मारे कुल री कोई लाज,
ओ भगतो रा बीरू लाज ओ मुक्ति रा दाता,
इन रे अवसरीये वेगा आवजो।।

अरे पुरबजी बेनड ऊबोडी थोने अरज करे,
अरे पुरबजी बेनड ऊबोडी थोने अरज करे,
ओ थेतो राखो मारे चुनडी वाली लाज,
भगतो रा बीरू लाज ओ मुक्ति रा दाता,
इन रे अवसरीये वेगा आवजो।।

अरे पुरबजी धुप ने धूपेडा करू आरती,
पुरबजी धूप ने धूपेडा करू आरती,
ओ थेतो आरतीयो मे वेगा वेगा आवजो,
भगतो रा बीरू आवो ओ मारा कुलरा देवा,
इन रे अवसरीये वेगा आवजो।।

अरे पुरबजी आज रा जागन मे वेगा आवजो,
पुरबजी आज रा जागन मे वेगा आवजो,
ए थेतो घोडे चढेने वेगा आवजो पुरबजी मारा,
आवजो मारा कुलरा देवा,
इन रे अवसरीये वेगा आवजो।।

अरे पुरबजी चुटीयो सोवे ओ थोरा हाथ में,
अरे पुरबजी चुटीयो सोवे ओ थोरा हाथ में,
ओ थेतो पेरो पेरो केसरिया पाग,
ओ भगतो रा बीरू पाग ओ मुक्ति रा दाता,
इन रे अवसरीये वेगा आवजो।।

अरे पुरबजी शंकर गावे ओ थोरा गीतडा,
पुरबजी शंकर गावे ओ थोरा गीतडा,
अरे ओतो गावे गावे हरिगुन मंगल आज,
ओ भगतो रा बीरू आज ओ मुक्ति रा दाता,
इन रे अवसरीये वेगा आवजो।।

See also  धीरे धीरे बीती जाए उमर भव तरने का जतन तू कर

पुरबजी इण रे अवसरीये वेगा आवजो,
पुरबजी इन रे अवसरीये वेगा आवजो,
ओ थेतो आवो ओ भगतो रा बीरू आवजो,
मारा कुलरा देवा,
इन रे अवसरीये वेगा आवजो।।

music video bhajan song

राजस्थानी भजन पुरबजी इण रे अवसरीये वेगा आवजो भजन लिरिक्स

Leave a Reply

Your email address will not be published. Required fields are marked *