कच्चे धागे की टूटेगी गठजोड़ भजन लिरिक्स
कच्चे धागे की टूटेगी गठजोड़,
सांवरिया पक्की गांठ बाँध ले,
म्हासो चाकरियो मिले ना कोई और,
तू या भी म्हारी बात मान ले,
कच्चे धागे की टूटेगी गठजोड,
सांवरिया पक्की गांठ बाँध ले।।
कच्ची डोरी ओ बाबा जी,
बिन चटकाये चटके,
एक हवा को झोंको आवे,
डोर हाथ से छटके,
टूटी डोरी तो जावेली कित ओर,
सांवरियां म्हारी डोर थाम ले,
कच्चे धागे की टूटेगी गठजोड,
सांवरिया पक्की गांठ बाँध ले।।
दिल पर ठेस लगावे बाबा,
यो दुनिया का धंधो,
बिना मौत ही मर जाउंगा,
मैं अदनो सो बंदो,
थारे बिन सूझे ना,
अब तो कोई ठोर,
थोड़ो सो म्हारो ध्यान राख ले,
कच्चे धागे की टूटेगी गठजोड,
सांवरिया पक्की गांठ बाँध ले।।
टूट गिरे डाली से गुलमोहर,
जो पतझड़ आवे,
कच्चो रिश्तो तो जालिम,
दुनिया में टिक ना पावे,
छायो है अंधियारो,
ओ बाबा घनघोर,
तू आके म्हारो हाथ थाम ले,
कच्चे धागे की टूटेगी गठजोड,
सांवरिया पक्की गांठ बाँध ले।।
कच्चे धागे की टूटेगी गठजोड़,
सांवरिया पक्की गांठ बाँध ले,
म्हासो चाकरियो मिले ना कोई और,
तू या भी म्हारी बात मान ले,
कच्चे धागे की टूटेगी गठजोड,
सांवरिया पक्की गांठ बाँध ले।।
Bhajan Singer – Sanju Sharma
Bhajan Video
कृष्ण भजन लिरिक्स
Krishna Bhajan Lyrics
Bhajan Lyrics in Hindi
