म्हाने बेगा सा बुला लो बाबा रहयो नहीं जाय
थारो बागो घेर घुमेर,
जा पर गोटो चारों मेर,
आवे इत्तर की खुशबू,
थारो मंदिरियो महकाय,
म्हाने बेगा सा बुला लो,
बाबा रहयो नहीं जाय।।
Filmi Bhajan तर्ज – टूटे बाजूबंद री।
बाबा थारी खाटू नगरी,
म्हणे चोखी घणी लागे,
थारे भक्ता को रेलो,
बाबा याद घणो आवे,
सबसे मिलस्यां जी सांवरिया,
म्हाने यादड़ली सतावे,
म्हणे तोरण रो द्वार,
बाबा झाला देर बुलावे,
म्हाने बेगा सा बुला ल्यो,
बाबा रहयो नहीं जाय,
थाने मीठा भजन सुनास्या,
थासु बाता भी बतलास्या,
म्हारे हिवड़ा री बात बाबा,
थाने ही सुनास्यु,
थारा नैन रसीला श्याम,
म्हा पे जादू सो चलावे,
माथे मोर मुकुट में जा,
तारा सा चमकाए,
म्हाने बेगा सा बुला ल्यो,
बाबा रहयो नहीं जाय,
बाबा थारो बुलावो आवे,
मनड़ो खूब घणो हरसावे,
कोई रोक ना पावे जब तू,
डोरी खींच बुलावे,
हाथां केसरिया निशान,
ज्यां पर मोर पंख लहराए,
‘सोनी’ आवेलो बाबा थारी,
सेवा में रम जाए,
म्हाने बेगा सा बुला ल्यो,
बाबा रहयो नहीं जाय,
थारो बागो घेर घुमेर,
जा पर गोटो चारों मेर,
आवे इत्तर की खुशबू,
थारो मंदिरियो महकाय,
म्हाने बेगा सा बुला लो,
बाबा रहयो नहीं जाय।।
Bhajan Singer – Anju Sharma
Bhajan Video
कृष्ण भजन लिरिक्स
Krishna Bhajan Lyrics
Bhajan Lyrics in Hindi
