याद में थारी सांवरिया म्हारा झर झर बरसे नीर
याद में थारी सांवरिया,
म्हारा झर झर बरसे नीर,
बेगा आकर गले लगाल्यो,
छुट्यो जावे धीर,
बाबा मत ना देर करो,
टाबरिया की अर्ज़ी पर थे,
इतनो गौर करो,
बाबा मत ना देर करो हो।।
थाने मायड़ बाबुल मानू,
कोई ना थासु बढ़कर जानू,
जितना याद करां म्हें थाने,
थे भी याद करो,
खेल यो आँख मिचोली को,
ना म्हारे साथ करो,
बाबा मत ना देर करो,
टाबरिया की अर्ज़ी पर थे,
इतनो गौर करो,
बाबा मत ना देर करो हो।।
जग यो सारो आँख को धोखो,
सांचो साथी श्याम अनोखो,
रिश्ता की मज़बूत या डोरी,
बाबा श्याम करो,
और नहीं कुछ माँगा किरपा,
म्हारा नाथ करो,
बाबा मत ना देर करो,
टाबरिया की अर्ज़ी पर थे,
इतनो गौर करो,
बाबा मत ना देर करो हो।।
था पर बाबा हक़ है म्हारो,
जो कुछ म्हारो श्याम है थारो,
बिठा गोद के माहि बाबा,
अब तो लाड़ करो,
कवे ‘सचिन’ घर आवन ताई,
यूँ ना नाट करो,
बाबा मत ना देर करो,
टाबरिया की अर्ज़ी पर थे,
इतनो गौर करो,
बाबा मत ना देर करो हो।।
याद में थारी सांवरिया,
म्हारा झर झर बरसे नीर,
बेगा आकर गले लगाल्यो,
छुट्यो जावे धीर,
बाबा मत ना देर करो,
टाबरिया की अर्ज़ी पर थे,
इतनो गौर करो,
बाबा मत ना देर करो हो।।
Bhajan Singer – Muskan Ranisatiya
Bhajan Video
कृष्ण भजन लिरिक्स
Krishna Bhajan Lyrics
Bhajan Lyrics in Hindi
