करता डंडोतां आवे भजन लिरिक्स

।। दोहा ।।
धजा धारी आवे जातरू , भूप आवे पाँय ।
सिमा सिमरथ बापजी , करे संकट में स्याय ।।

करता डंडोतां आवे ,
भगत थारे उळवाणा आवे ।
जय बाबारी , जय बाबा री ,
गाता – गाता आवे । .

कोसां चाले पाळा – पाळा ,
माथे तपे तावड़ियो ।
भूख – तिरसरी फिकर नहीं कोई ,
लाज राखसी सांवरियो ।
रूणीचे रा राम धणी थाने ,
दुखड़ा आय सुणावे ।।
करता डंडोतां। …..

हिन्दू मुस्लिम सिक्ख ईसाई ,
सब कोई थाने ध्यावे है ।
थारे शरणे सगळा सरीखा ,
सगळी दुनियाँ आवे है ।
जात – पात रो भेद नहीं जो ,
शरण आवे सुख पावे ॥
करता डंडोतां। …..

दिन रा काटे पेंडो जातरी ,
रातां जमो जगावे ।
बूढ़ा टाबर और लुगायां ,
बाबे रा गुण गावे है ।
घिरत चूरमो बाबा थारे ,
मिन्दर भोग लगावे ॥
करता डंडोतां। …..

त्रिलोकी रा नाथ कहीजो ,
अजमल घर अवतारी हो ।
पीड़ हरी थे भगतां री जद ,
महिमा थारी गावे है ।
उमड़े दुनियाँ सारी जद – जद ,
मास भादवो आवे ॥
करता डंडोतां। …..

जय बाबारी , जय बाबारी ,
चारूं खूट सुणावे है ।
अशोक थारो दास कहीजे ,
महिमा थारी गावे है ।
शरणे राखिजो दास ने दाता ,
चरणां में सुख पावे ॥
करता डंडोतां। …..

करता डंडोतां आवे, karta dandota aave , moinuddin manchala bhajan, baba ramdev ji bhajan, marwadi desi bhajan, ramdev ji ka bhajan

Leave a Reply