भजनां में जावा कोनी दे भजन लिरिक्स

॥ दोहा ॥
जमले माँहि जावणो , जागे रावळ माल ।
रूपां गुरु रे अरज करे , गुरुम्हारे सामी भाल ॥

भजनां में जावा कोनी दे ,
आछी परणाई ओ नुगरा ,
माल ने ओ म्हारा राम ।।

क्यूं नहीं कीनी ,
पारस पीपली ओ म्हारा राम ।
रेहती मारगो रे माँय ,
आवता साधुड़ा छाँया ,
बैठता ओ म्हारा राम ।
म्हारो अमर वेतो नाम ,
आछी परणाई ओ नुगरा ,
माल ने ओ म्हारा राम ॥

क्यूं नहीं कीनी ,
कुआ बावड़ी ओ म्हारा राम ।
रेहती वन रे मांय ,
आवता साधुड़ा पाणी ,
पीवता ओ म्हारा राम ।
म्हारो अमर वेतो नाम ,
आछी परणाई ओ रावळ ,
माल ने ओ म्हारा राम ॥

क्यूं नहीं कीनी ,
वन री रोजड़ी ओ म्हारा राम ।
चरती हरियो हरियो घास ,
आयोड़ा सन्तों रा लेती ,
वारणा ओ म्हारा राम ।
म्हारो अमर वेतो नाम ,
आछी परणाई ओ नुगरा ,
माल नेओ म्हारा राम ।।

हाथ जोड़े ने रूपां ,
बोलिया ओ म्हारा राम ।
म्हारा साधुड़ा रो ,
अमरापुर में वास।
आछी परणाई ओ नुगरा ,
मालने ओ म्हारा राम ॥

prakash mali ka bhajan Video

भजनां में जावा कोनी दे bhajana me java koni de bhajan, prakash mali ka bhajan, desi marwadi bhajan,marwadi desi bhajan lyrics marwadi desi bhajan lyrics in Hindiभजनां में जावा कोनी दे
भजन :- भजनां में जावा कोनी दे
गायक :- प्रकाश माली

Leave a Reply