राम जी मिल जासी नेचो राखो साची बात रो भजन लिरिक्स

।। दोहा ।।
राम किसी को मारत नही , और नहीं हत्यारा राम ।
अपने आप मर जावसी तो , कर कर खोटा काम ।

रामजी मिळ जावे नेछो ,
राखो साँची बात रो ।
सांवरियो मिळ जावे नेछो ,
राखो साँची बात रो ॥

मात पिता री सेवा कर लो ,
तीरथ गंगा मात रो ।
अठे दियोड़ो आगे मिळेला ,
लेणो हाथो हाथ रो ॥
रामजी मिळ जावे। …..

नुगरा नररो संग नहीं करणो ,
तिरिया चंचल जात रो ।
मारग तो मुगति रो संतों ,
सतपुरूषों रे साथ रो ।
रामजी मिळ जावे। …..

सत गुरुसा तो साँची केवे ,
मानो उणकी बात को ।
नर – नारी दोनों ही सुण लो ,
कारण नहीं है जात रो ।
रामजी मिळ जावे। …..

सतगुरुसा रो शरणो लेणो ,
टाळो जम री लात रो ।
गोविन्दो संन्यासी बोले ,
चेलो निर्मल नाथ रो ॥
रामजी मिळ जावे। …..

ram ji ke bhajan lyrics | chetawani bhajan Video

रामजी मिल जावे ram ji mil jave ,ram ji ke bhajan lyrics, chetawani bhajan lyrics, marwadi bhajan desi
भजन :- रामजी मिळ जावे नेछो
गायक :- प्रहलाद वैष्णव

Leave a Reply