सतगुरु आवोला अमृत रा प्याला कद माने पावोला भजन लिरिक्स

।। दोहा ।।
सतगुरु आवत देखिया , ज्यारे कांधे लाल बन्दुक।
गोली दागी हरी नाम री , भाग गया जम दूत।

हां रे सतगुरु आवोला ,
हां रे सतगुरु आवोला।
इमरत रा प्याला कद माने पावोला ,
हां रे सतगुरु आवोला।

दरसन सारू मारा नैन दुखी है ,
कद माने दरश दिखावोला।
हरिये वन रा दरखत सुना ,
कद जल बरसावोला, सतगुरु आवोला।
इमरत रा प्याला कद माने पावोला ,
हां रे सतगुरु आवोला।

में अज्ञानी नींद में सुतो ,
कद माने आय जगावोला।
हिवड़ो मारो गणो अलूणो ,
धीरज बँधावोला , सतगुरु आवोला।
इमरत रा प्याला कद माने पावोला ,
हां रे सतगुरु आवोला।

मोटा मोटा जोध लड़े घट भीतर ,
कद वाने मार हटावोला।
शील संतोष दया धरम ,
हिरदे ठहरावोला , सतगुरु आवोला।
इमरत रा प्याला कद माने पावोला ,
हां रे सतगुरु आवोला।

जिव आतम में भेद पड्यो है ,
कद मारो भेद मिटावोला।
गोपेश्वर अंजनेश्वर शरणे ,
पार लगावोला , सतगुरु आवोला।
इमरत रा प्याला कद माने पावोला ,
हां रे सतगुरु आवोला।

moinuddin manchala bhajan Music video Song

सतगुरु आवोला अमृत रा प्याला कद माने पावोला भजन, haa re satguru aavola satguru ji bhajan hindi lyrics
गुरु महिमा भजन लिरिक्स
भजन :- हां रे सतगुरु आवोला
गायक :- मोइनुद्दीन मनचला

Leave a Reply