हेली मारी देश ये दीवानो ऐसो देखियो भजन लिरिक्स

।। दोहा ।।
सतगुरु आवत देखिया , दी जाजम बिछवाय।
फूलन की वर्षा हुई , हुई चमेली री छाय।

हेली मारी देश ये दीवानो ,
ऐसो देखियो।
मारा गुरूजी दिदो दुर्बल देश।
गुरूजी देश ये दीवानो ,
ऐसो देखियो।

हेली मारी उंडा ये मंगरा में ,
बाजा बाज रिया।
वाने बेरिया तो सुणबा ने जाय।
देश ये दीवानो ऐसो देखियो।
हेली मारी ….

हेली मारी लाय ये लागी ,
समंदा मायने।
वाने आंदळीया बजोबा ने जाय।
देश ये दीवानो ऐसो देखियो।
हेली मारी ….

हेली मारी पांच ये चोर ,
लंका लूट रिया।
वाने पांगळीया पकड़बा ने जाय।
देश ये दीवानो ऐसो देखियो।
हेली मारी ….

हेली मारी मरिया मुर्दा ,
मोज्या माण रिया।
वे तो जीवतड़ा धुके रे मसाण।
देश ये दीवानो ऐसो देखियो।
हेली मारी ….

हेली मारी भेरियो तो ,
गुरा पीरा में भेलियो।
वो तो मेल्यो माथो शरणा माय।
देश ये दीवानो ऐसो देखियो।
हेली मारी ….

bheru puri goswami ke bhajan video

हेली मारी देश ये दीवानो ऐसो देखियो heli mari desh ye diwano aisa dikhaiye हेली भजन लिरिक्स
हेली भजन लिरिक्स in hindi
भजन :- देश ये दीवानो ऐसो देखियो
गायक :- भैरू पुरी गोस्वामी

Leave a Reply