मेणा दे थारो लाल कठे भजन लिरिक्स

मेणा दे थारो लाल कठे, menade tharo lal kathe , marwadi bhajan desi, baba ramdev ji bhajan, wo lile ro asvar kathe

मेणा दे थारो लाल कठे

मेणा दे थारो लाल कठे ,
वो भगतां रो प्रतिपाल कठे ,
वो लीले रोअसवार कठे ।
धरती पर बढियो पाप घणो ,
वो रामदेव अवतार कठे ।
मेणा दे थारोलाल कठे ,
वो भगतां रो प्रतिपाल कठे ।
वो लीले रो असवार कठे ।

धरती रो पाप मिटावण ने ,
ज्यूं अजमल घर अवतार लियो ।
जो बेल धरम री सींच गयो ,
और भगतां रो उद्धार कियो ।
जो नाथ द्वारका वालो है ,
जो चक्र सुदर्शन धारी है ।
कलजुग में रामापीर धणी ,
जो निकलंक ने जाधारी है ।
भगती रोपंध बतावणियो ,
वो तुंवरांरो सिरताज कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

ओ कळजुग घोर करूर घणो ,
सजन रो जीणो दोरो है ।
सजन रोटी ने तरसे है ,
और पापी घर में सोरो है ।
भाइ – भाई रो बैरी है ,
अर बाड़ खेत ने खावे है ।
भाई बहना रो घर खावे ,
और लाज शरम ना आवे है ।
कोई म्हाने तो बतला दो ,
इण कलजुग रो है पार कठे ॥
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

नर नशा पता में डोले है ,
नारी घर बार चलावे है ।
ए छोटा – छोटा टाबरिया ,
मजदूरी करवा जावे है ।
माया रा रिश्ता नाता है ,
माया री दुनियाँ सारी है ।
ढोंगी ए भगवों वेश धरे ,
ऐ पैसां रा पूजारी है ।
डाळी ने जो गुरु ज्ञान दियो ,
वो सच्चो निर्मल ज्ञान कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

कळजुग में अत्याचार घणा ,
दुर्बल पे ए बलवान करे ।
दुष्टी ए बीच बजारां में ,
अबळा री देखो लाज हरे ।
ए डरे नहीं भगवान सूं ,
ना कोई सोच विचार करे ।
ना कोई नाथ गरीब को ,
ओ किण सूंजाय पुकार करे ।
पापी री छाती बींध सके ,
भाला री तीखी धार कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।
दुनियाँ में भारत देश भलो ,
सोना री चिड़िया कहलातो ।
ऐ बातां ज्ञान धरम री वो ,
सारी दुनिया ने सिखलातो ।
अब दीन धरम इण भारत में ,
विरला रे घर में देखीजे ।
पग – पग पे पाप घणेरो है ,
अब धीर धरम ना धारीजे ।
लीले रा पोड़ बजावणियो ,
वो नेतल रो भरतार कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

म्हें आज सुण्यो हूं रूणीचे ,
वो परचा खूब दिखावे है ।
धोरां में हिन्दवा पीरधणी ,
भगतां री आस पुरावे है ।
आंधा ने देवे आंखडल्याँ ,
बांझा ने बेटा देवे है ।
भगतां रो हेलो सुण बाबो ,
हाजर वो आयो रेवे है ।
भगतां री लाज बचावणियो ,
वो सुगणा बाई रो बीर कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

धोरां में धाम धणी रो है ,
भादरवे मेळो लागे है ।
दुखियाँरी लागे भीड़ घणी ,
और भाग भगत रा जागे है ।
झालर री होवे झणकारां ,
कोई ढोल नगारा बाजे है ।
भगतां रा टोळा मिन्दर में ,
बाबेरे आगे नाचे है ।
कळजुग में दूजो इण जेड़ो ,
साँचो है दरबार कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

अर दास प्रकाश री सुण लीजो ,
भगतां पर किरपा कर दीजो ।
आ अरज मोइनुद्दीन करे ,
अवतार जगत में ले लीजो ।
ओ दास अशोक सुणावे है ,
चरणां में शीश नवावे है ।
अब के भादरवे धणियाँ सू ,
दरशण री आस लगावे है ।
भगतां रो बेड़ोपार करे ,
वा बाबा री पतवार कठे
मेणादे थारो लाल कठे ,
वो भगतां रो प्रतिपाल कठे
वो लीले रो असवार कठे ।

marwadi bhajan desi English lyrics

menade tharo lal kathe

mena de thaaro laal kathe ,
vo bhagataan ro pratipaal kathe ,
vo leele roasavaar kathe .
dharatee par badhiyo paap ghano ,
vo raamadev avataar kathe .
mena de thaarolaal kathe ,
vo bhagataan ro pratipaal kathe .
vo leele ro asavaar kathe .

dharatee ro paap mitaavan ne ,
jyoon ajamal ghar avataar liyo .
jo bel dharam ree seench gayo ,
aur bhagataan ro uddhaar kiyo .
jo naath dvaaraka vaalo hai ,
jo chakr sudarshan dhaaree hai .
kalajug mein raamaapeer dhanee ,
jo nikalank ne jaadhaaree hai .
bhagatee ropandh bataavaniyo ,
vo tunvaraanro sirataaj kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

o kalajug ghor karoor ghano ,
sajan ro jeeno doro hai .
sajan rotee ne tarase hai ,
aur paapee ghar mein soro hai .
bhai – bhaee ro bairee hai ,
ar baad khet ne khaave hai .
bhaee bahana ro ghar khaave ,
aur laaj sharam na aave hai .
koee mhaane to batala do ,
in kalajug ro hai paar kathe .
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

nar nasha pata mein dole hai ,
naaree ghar baar chalaave hai .
e chhota – chhota taabariya ,
majadooree karava jaave hai .
maaya ra rishta naata hai ,
maaya ree duniyaan saaree hai .
dhongee e bhagavon vesh dhare ,
ai paisaan ra poojaaree hai .
daalee ne jo guru gyaan diyo ,
vo sachcho nirmal gyaan kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

kalajug mein atyaachaar ghana ,
durbal pe e balavaan kare .
dushtee e beech bajaaraan mein ,
abala ree dekho laaj hare .
e dare nahin bhagavaan soon ,
na koee soch vichaar kare .
na koee naath gareeb ko ,
o kin soonjaay pukaar kare .
paapee ree chhaatee beendh sake ,
bhaala ree teekhee dhaar kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

duniyaan mein bhaarat desh bhalo ,
sona ree chidiya kahalaato .
ai baataan gyaan dharam ree vo ,
saaree duniya ne sikhalaato .
ab deen dharam in bhaarat mein ,
virala re ghar mein dekheeje .
pag – pag pe paap ghanero hai ,
ab dheer dharam na dhaareeje .
leele ra pod bajaavaniyo ,
vo netal ro bharataar kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

mhen aaj sunyo hoon rooneeche ,
vo paracha khoob dikhaave hai .
dhoraan mein hindava peeradhanee ,
bhagataan ree aas puraave hai .
aandha ne deve aankhadalyaan ,
baanjha ne beta deve hai .
bhagataan ro helo sun baabo ,
haajar vo aayo reve hai .
bhagataan ree laaj bachaavaniyo ,
vo sugana baee ro beer kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

dhoraan mein dhaam dhanee ro hai ,
bhaadarave melo laage hai .
dukhiyaanree laage bheed ghanee ,
aur bhaag bhagat ra jaage hai .
jhaalar ree hove jhanakaaraan ,
koee dhol nagaara baaje hai .
bhagataan ra tola mindar mein ,
baabere aage naache hai .
kalajug mein doojo in jedo ,
saancho hai darabaar kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

ar daas prakaash ree sun leejo ,
bhagataan par kirapa kar deejo .
aa araj moinuddeen kare ,
avataar jagat mein le leejo .
o daas ashok sunaave hai ,
charanaan mein sheesh navaave hai .
ab ke bhaadarave dhaniyaan soo ,
darashan ree aas lagaave hai .
bhagataan ro bedopaar kare ,
va baaba ree patavaar kathe ..
menaade thaaro laal kathe ,
vo bhagataan ro pratipaal kathe ..
vo leele ro asavaar kathe .

baba ramdev ji bhajan moinuddin manchala bhajan video

Bhajan / Geet(भजन ) == मेणादे थारो लाल कठे
Bhajan Singer/गायक = मोइनुद्दीन मनचला
Bhajan Lyrics Type = भजन Lyrics

Leave a Comment