खाटू वाले श्याम श्याम,
म्हाने थासु जरूरी काम,
घरा म्हारे आ जाओ,
घरा म्हारे आ जाओ,
आ जाओ बाबा आ जाओ,
म्हारे घरा भी आ जाओ।
रात चांदनी ग्यारस की,
थारी ज्योत जगाई जी,
न्योतो देर बुलावा दाता,
पाती लिख भिजवाई जी,
सिद्ध श्री शुभ समाचार थाने,
सिद्ध श्री शुभ समाचार थाने,
भक्ता रो प्रणाम,
घरा म्हारे आ जाओ,
घरा म्हारे आ जाओ।
लीले चढ़कर आ जाओ,
श्याम उड़ीका बाटडली,
देर करो ना श्याम धनी,
दूखण लागी आंखड़ली,
आज पधारो थे कीर्तन में,
आज पधारो थे कीर्तन में,
सांवरिया घनश्याम,
घरा म्हारे आ जाओ,
घरा म्हारे आ जाओ।
चोखा चोखा भजन श्याम जी,
थाने आज सुनावांगा,
काल छे बारस खीर चूरमो,
थाने श्याम जिमावांगा,
जीम झूठ थारा पाव दबावा,
जीम झूठ थारा पाव दबावा,
थे करजो आराम,
घरा म्हारे आ जाओ,
घरा म्हारे आ जाओ।
श्याम बिहारी सांवरिया,
म्हाने भरोसो भारी है,
मैं भी जाना दुनिया जाने,
सांचो लखदातारी है,
भक्ता के संग ‘रजनी’ चाला,
भक्ता के संग ‘रजनी’ चाला,
मैं भी खाटू धाम,
घरा म्हारे आ जाओ,
घरा म्हारे आ जाओ।
खाटू वाले श्याम श्याम,
म्हाने थासु जरूरी काम,
घरा म्हारे आ जाओ,
घरा म्हारे आ जाओ,
आ जाओ बाबा आ जाओ,
म्हारे घरा भी आ जाओ
Singer – Rajni Ji Rajasthani
➤Album :- Shyam Tera Khel Nirala
➤Song :- Khatu Wale Shyam
➤Singer :- Rajni Rajasthani
➤Music :- Rajni Rajasthani
➤Writer :- Rajni Rajasthani
Khatu Wale Shyam_Superhit Khatu Shyam Devotional Song 2016_Rajni Rajasthani_Saawariya Music
तर्ज – तेरा है बस तेरा है।