शिवजी रम रया रे पहाड़न में,
गवरा पार्वती के संग।
दोहा शिव समान दाता नहीं,
विपत्ति विदारण हार,
लज्जा म्हारी राखियो,
शिव नंदी के असवार।
तेजेश्वर परमेश्वर है,
जिनका रूप प्रचंड,
सब देवा रा देव है,
ए शिव सिरमौर अखण्ड।
शिवजी रम रया रे पहाड़न में,
गवरा पार्वती के संग,
पार्वती रे संग,
सदाशिव महाराणी के संग,
शिवजी रम रया रे पहाड़न मे,
गवरा पार्वती के संग।।
गोरे गोरे तन पर भस्मी बिराजे,
जटा जूट में गंग,
बिल की पत्तियां प्यारी लागे,
चढ़े हैं चन्दन रंग,
शिवजी रम रया रे पहाड़न मे,
गवरा पार्वती के संग।।
सेर सेर खा गयो खारी तम्बाकू,
सेर भर पी गयो भंग,
माथे में चंद्रमा बिराजे,
भस्मी रमा ली अंग,
शिवजी रम रया रे पहाड़न मे,
गवरा पार्वती के संग।।
कालो नाग थोरे गले बिराजे,
जटा में तोहरे गंग,
आक धतूरा भोग लगे हैं,
रहे नशे में धंग,
शिवजी रम रया रे पहाड़न मे,
गवरा पार्वती के संग।।
ढोलक बाजे नगाड़ा बाजे,
और बाजे मृदंग,
भोले नाथ का डमरू बाजे,
महाराणी के संग,
शिवजी रम रया रे पहाड़न मे,
गवरा पार्वती के संग।।
कोरा कोरा कलश मंगाया,
ज्यामे घोळी रंग,
भर पिचकारी मारी गवरादे,
जद उतरगी भंग,
शिवजी रम रया रे पहाड़न मे,
गवरा पार्वती के संग।।
भगत मण्डल शरणे में थारे,
लगाजो भगति रो रंग,
बेड़ी म्हारी पार उतारो,
मन में घणी उमंग,
शिवजी रम रया रे पहाड़न मे,
गवरा पार्वती के संग।।
शिवजी रम रया रे पहाड़न मे,
गवरा पार्वती के संग,
पार्वती रे संग,
सदाशिव महाराणी के संग,
शिवजी रम रया रे पहाड़न मे,
गवरा पार्वती के संग।।
- ठुमक ठुमक चाले अंजनी को लाल भजन लिरिक्स
- आरती गंगा मैया की कीजे लिरिक्स (हिन्दी)
- निमडली री छाया में भेरूजी हिंडो गालयो लिरिक्स
- गुरु देव कहे सुन चेला थारो जनम सफल जद वेला लिरिक्स
- चाँदनी चौदश उज्याली कुलदेवी घरे आया रे लिरिक्स
- दीजो दीजो माताजी रे हाथ माँ प्रेम रस मेहंदी रंग लागी लिरिक्स
शिवजी रम रया रे पहाड़न में गवरा पार्वती के संग Video
गायक सांवर मल जी कत्थक। (हिन्दी)
