।। दोहा ।।
धाम रूणीचै रा धणी, नाम राम सा पीर।
काम भगत जन रा करै, राख ह्रदा मन धीर।
झीणा झीणा घूघरा,
रुणीचे बाजे जोर रा।
लीले री सवारी आवे,
लागे घणा फूटरा।
अरे रे रे घूमे रे,
रुणीचे थारो घोड़लो।
आकाशा उड़ावे बाबा,
कपडे रो घोड़लो।
दर्जी पूकारे अर्जी,
बाबा पाछो मोड़लो।
अरे रे रे घूमे रे ,
आकाशा थारो घोड़लो।
अरे रे रे घूमे रे,
रुणीचे थारो घोड़लो।
पाला पाला चालस्या,
बाबा रा गुण गावस्या।
रुणीचा रा मेला माई,
धोक लगावस्या।
अरे रे रे घूमे रे,
रुणीचे थारो घोड़लो।
धोली धोली धज्जा हाथ,
जोधाणे में जावस्या।
भाकर मसुरिये में,
बाबे रा गुण गावस्या,
अरे रे रे घूमे रे,
रुणीचे थारो घोड़लो।
भगत घणेरा आवे,
शीश नवावता।
पाला पाला आवे बाबा,
गुण थारा गावता।
अरे रे रे घूमे रे,
रुणीचे थारो घोड़लो।
नेनो रे देवासी थारा,
भजन बणावता।
लाल सिंह राव गुण,
नरेन्द्र गावता।
अरे रे रे घूमे रे,
रुणीचे थारो घोड़लो।
झीणा झीणा घूघरा,
रुणीचे बाजे जोर रा।
लीले री सवारी आवे,
लागे घणा फूटरा।
अरे रे रे घूमे रे,
रुणीचे थारो घोड़लो।
runicha bhajan lyrics music bhajan vidoe
अरे रे रे घूमे रे रुणिचे थारो घोड़लो are re re ghume re runiche tharo ghodlo baba ramdevji ke bhajan lyrics
रामदेव जी के भजन लिखे हुए
भजन :- घूमे रे रुणिचे थारो घोड़लो
गायक :
