राम राम रे भायां राम राम रे ।
म्हारी बोली चाली रा गुनाह माफ ,
भाईडॉ ने राम राम रे ।।
आजरी संगत आपां भेळा हुआ रे
भायां राम राम रे ।
म्हारी बोली चाली रा गुनाह माफ ,
भाईडॉ ने राम राम रे ।।
कठे बवाऊं डोडा एलची रे
भायां राम राम रे ।
आ तो कठे बवाडूं नागर वेल ,
भाईडाँ ने राम राम रे ।।
आंगणिये बवाऊं डोडा एलची रे
भायां राम राम रे ।
आ तो परिंडे बवाऊं नागर वेल ,
भाईडॉ ने राम राम रे ।।
तागो होवे तो तोड़ दूं रे
भायां राम राम रे ।
ओ तो तन मन तोडियो न जाय ,
भाईडॉ ने राम राम रे ।।
कागज होवे तो बाँच लूं रे
भायां राम राम रे ।
ओ तो कर्म ने बाँचियो जाय ,
भाईडाँ ने राम राम रे ।।
कुओ होवे तो डाकलू रे
भायां राम राम रे ।
ओ तो समदर डाकियो न जाय ,
भाईडॉ ने राम राम रे ।।
टाबर होवे तो राखलू रे
भायां राम राम रे ।
ओ तो रावळमाल राखियो न जाय ,
भाईडॉ ने राम राम रे ।।
बाई रूपांदे री वीनति रे
भायां राम राम रे ।
म्हारा साधुडाँ रो अमरापुर में वास ,
भाईडाँ ने राम राम रे ।।
प्रकाश माली भजन वीडियो
राम राम रे भैया राम राम, ram ram re bhaiya ram ram re, प्रकाश माली भजन वीडियो, aarti lyrics, bhaida ne ram ram, आरती लिरिक्स इन हिंदी
आरती :- राम राम रे भाया
गायक :- प्रकाश माली
