गोस्वामी तुलसीदास कृत संकटमोचन हनुमानाष्टक
बाल समय रबि भक्षि लियो तब, तीनहुँ लोक भयो अँधियारो ।
ताहि सों त्रास भयो जग को, यह संकट काहु सों जात न टारो ॥
देवन आन करि बिनती तब, छाँड़ि दियो रबि कष्ट निवारो ।
को नहिं जानत है जग में कपि, संकटमोचन नाम तिहारो ॥ 1 ॥
बालि की त्रास कपीस बसै गिरि, जात महाप्रभु पंथ निहारो ।
चौंकि महा मुनि शाप दिया तब, चाहिय कौन बिचार बिचारो ॥
के द्विज रूप लिवाय महाप्रभु, सो तुम दास के शोक निवारो ।
को नहिं जानत है जग में कपि, संकटमोचन नाम तिहारो ॥ 2 ॥
अंगद के संग लेन गये सिय, खोज कपीस यह बैन उचारो ।
जीवत ना बचिहौ हम सो जु, बिना सुधि लाय इहाँ पगु धारो ॥
हेरि थके तट सिंधु सबै तब, लाय सिया-सुधि प्राण उबारो ।
को नहिं जानत है जग में कपि, संकटमोचन नाम तिहारो ॥ 3 ॥
रावन त्रास दई सिय को सब, राक्षसि सों कहि शोक निवारो ।
ताहि समय हनुमान महाप्रभु, जाय महा रजनीचर मारो ॥
चाहत सीय अशोक सों आगि सु, दै प्रभु मुद्रिका शोक निवारो ।
को नहिं जानत है जग में कपि, संकटमोचन नाम तिहारो ॥ 4 ॥
बाण लग्यो उर लछिमन के तब, प्राण तजे सुत रावण मारो ।
लै गृह बैद्य सुषेन समेत, तबै गिरि द्रोण सु बीर उपारो ॥
आनि सजीवन हाथ दई तब, लछिमन के तुम प्राण उबारो ।
को नहिं जानत है जग में कपि, संकटमोचन नाम तिहारो ॥ 5 ॥
रावण युद्ध अजान कियो तब, नाग कि फाँस सबै सिर डारो ।
श्रीरघुनाथ समेत सबै दल, मोह भयो यह संकट भारो ॥
आनि खगेस तबै हनुमान जु, बंधन काटि सुत्रास निवारो ।
को नहिं जानत है जग में कपि, संकटमोचन नाम तिहारो ॥ 6 ॥
बंधु समेत जबै अहिरावन, लै रघुनाथ पाताल सिधारो ।
देबिहिं पूजि भली बिधि सों बलि, देउ सबै मिति मंत्र बिचारो ॥
जाय सहाय भयो तब ही, अहिरावण सैन्य समेत सँहारो ।
को नहिं जानत है जग में कपि, संकटमोचन नाम तिहारो ॥ 7 ॥
काज किये बड़ देवन के तुम, वीर महाप्रभु देखि बिचारो ।
कौन सो संकट मोर गरीब को, जो तुमसों नहिं जात है टारो ॥
बेगि हरो हनुमान महाप्रभु, जो कछु संकट होय हमारो ।
को नहिं जानत है जग में कपि, संकटमोचन नाम तिहारो ॥ 8 ॥
॥ दोहा ॥
लाल देह लाली लसे, अरू धरि लाल लंगूर ।
बज्र देह दानव दलन, जय जय जय कपि सूर ॥
Goswami Tulsidas Dwara Rachit
Sankat Mochan Hanuman Ashtak
Baal Samay Ravi Bhaksh lio Tab Teenho Lok Bhayo Andhiyaro
Tahi So Trass Bhayo Jag Ko Yeh Sankat Kaat So Jaat Na Taaro
Baal Samaya Ravi Bhaksh Liyo Tab Tinho Lok Bhayo Andhiyaro
Tahi So Trass Bhayo Jag Ko Yeh Sankat Kaat So Jaat Na Taaro
Devan Aani Kari Binti Tab Chaar Diyo Ravi Kashast Nivaro
Ko Nahi Janaat Hai Jag Mein Kapi Sankatmochan Naam Tiharo
Baal Ki Trass Kapis Baise Giri Jaat Mahaprabhu Panth Niharo
Chownki Mahamuni Saap Diyo Tab Chahiye Kaon Vichar Vicharo
Kai Dwiz Roop Liwaye Mahaprapbhu So Tum Dass Ke Saok Niwaro
Ko Nahi Janaat Hai Jag Mein, Kapi Sankatmochan Naam Tiharo
Angad Ke Sang Len Gaye Siya Khoj Kapees Yeh Bain Ucharo
Jiwat Na Bachihon Ham Son Ju Bina Sudi Laye Ihan Pagu Dharo
Heri Thake Tat Sindhu Sabhe Tab Laye Siya Sudhi Pran Ubharo
Ko Nahi Janaat Hai Jag Mein Kapi Sankatmochan Naam Tiharo
Rawan Trass Dayee Siya Ko Tab Rakshasi Son Kahi Sok Niwaro
Tahi Samay Hanuman Maha Prabhu Jaye Maha Rajnichar Maro
Chahat Siya Ashok So Aagi Su,Daye Prabhu Mudrika Sok Niwaro
Ko Nahi Janaat Hai Jag Mein Kapi Sankatmochan Naam Tiharo
Baan Lagyo Urr Lakshman Ke Tab Pran Tajyo Sut Rawan Maro
Ley Grah Vaid Sushen Samet Tabeh Giri Dron Su Bir Uparo
Aani Sajeewan Haath Daye Tab Lachman Ke Tum Pran Ubaro
Ko Nahi Janaat Hai Jag Mein Kapi Sankatmochan Naam Tiharo
Rawan Judd Ju Aan Kiyo Tab Naag Ki Phans Sabhe Sirr Daro
Shri Raghunath Samet Sabhe Dal Moh Bhayo Yeh Sankat Bharo
Aani Khages Tabey Hanuman Ju Bandhan Kaat Sutrass Niwaro
Ko Nahi Janaat Hai Jag Mein Kapi Sankatmochan Naam Tiharo
Bandhu Samet Jabey Ahirawan Ley Raghunath Patal Sidharo
Devihi Puji Bhali Vidhi Son Bali Deou Sabeh Mili Mantra Bicharo
Jaye Sahaye Bhaio Tab Hi Aahirawan Sanya Samet Sangharo
Ko Nahi Janaat Hai Jag Mein Kapi Sankatmochan Naam Tiharo
Kaaj Kiye Bardh Devan Ke Tum Bir Mahaprabhu Dekh Bicharo
Kaun So Sankat Mor Gareeb Ko Jo Tumsao Nahi Jaat Hai Taro
Begi Haro Hanuman Mahaprabhu Jo Kachu Sankat Hoi Hamaro
Ko Nahi Janaat Hai Jag Mein Kapi Sankatmochan Naam Tiharo
Doha
Laal Deh Laali Laseh Aaru Dhari Laal Langoor
Brajh Deh Danav Dalan Jai Jai Jai Kapee Soor
