सालासर हनुमान म्हारा
अंजनी माँ का लाल सा।।
ओ जी सालासर हनुमान म्हारा,
अंजनी माँ का लाल सा,
केसरिया चोला सोहे सा,
सालासर हनुमान।।
स्वर्ण मुकुट थारे सर पे सोहै,
काना में थारे कुण्डल सा,
गल बैजंती माल सोहै,
हाथां में खड़ताल,
हाथां में घोटो सोहै सा,
सालासर हनुमान।।
अंग पे थारे चोला साजै,
लाल लंगोटा वाला सा,
थारे दर पर दर्शन करबा,
आवे नर नारी सा,
थे घणा रूखाळा लागो सा,
सालासर हनुमान।।
बाँध के घुंघरू नाचै है जी,
बालाजी महाराज सा,
झूम झूम कर नाचे है जी,
बालाजी सरकार सा,
थे राम नाम का दीवाना सा,
सालासर हनुमान।।
राम जी का दास थे तो,
सीता माँ का दुलारा सा,
अर्जी या स्वीकार ज्योजी,
सालासर सरकार सा,
म्हाने चरणां माहीं राखो सा,
सालासर हनुमान।।
चैत्र सुदी पूनम ओ जी,
मेलो लागे जोर सा,
शाम सवेरे होवे सा,
झालर की झंकार सा,
संकट में आडे आवे सा,
सालासर हनुमान।।
ओ जी सालासर हनुमान म्हारा,
अंजनी माँ का लाल सा,
केसरिया चोला सोहे सा,
सालासर हनुमान।।
- जितने पड़े थे खाली मेरे भर दिए सब भंडारे
- ना स्वर हे ना सरगम हे ना लय ना तराना हे हनुमान के चरणों में एक फूल चढ़ाना हे
- सालासर वाला माता अंजनी का लाला
- वीर बजरंगी आते क्यों नहीं
- बालाजी कमी कोई ना रहिये जदो दा पल्ला फड़िया तेरा
- मेहंदीपुर के हे हनुमंता लीला तुम्हारी अमर अनंत
