झालर शंख नगाड़ा बाजे रे ,
सालासर रा मंदिर में ,हनुमान विराजे रे ।२।
हनुमान विराजे रे ,बलि बजरंग विराजे रे।
भारत राजस्थान में ,सालासर एक धाम।
सूरज सामी बनियो देवरो ,बालाजी रो धाम।
जारे लाल ध्वजा लहरावे रे ,
सालासर रा मंदिर में ,हनुमान विराजे रे ।
झालर शंख। ….
जेष्ठ सुदी पूनम रो मेलो ,भीड़ लगे अति भारी।
नर नारी थारा दर्शन करबा ,आवे बारी बारी।
बाबो अटकिया काम बनावे रे।
सालासर रा मंदिर में ,हनुमान विराजे रे ।
झालर शंख। ….
नारेला री गिणती कोने ,सवरे क्षत्र अपार।
दूर देश सु दर्शन करबा ,आवे नर और नार।
थारे जाट जडूला लागे रे ,
सालासर रा मंदिर में ,हनुमान विराजे रे ।
झालर शंख। ….
राम दूत अंजनी के लाल का ,धरो हमेशा ध्यान।
चेन सिंह चरणा रो चाकर ,लाज रखो हनुमान।
सबकी नैया पार लागज्ये रे।
सालासर रा मंदिर में ,हनुमान विराजे रे ।
झालर शंख। ….
झालर शंख नगाड़ा बाजे रे ,
सालासररा मंदिर में ,हनुमान विराजे रे ।२।
हनुमान विराजे रे ,बलि बजरंग विराजे रे।
सालासर रा मंदिर में हनुमान विराजे रे Bhajan Video
भजन :- झालर शंख नगारा बाजे रे
गायक :- राजेंद्र पंसारी
