गोकुल हालो ने गायो चरावो भजन लिरिक्स

।। दोहा ।।
नमो नमो गुरुदेव जी, नमो नमो सब संत।
नमो पार ब्रह्मा ने, नमो नमो भगवंत।

गोकुल हालो ने गायो चरावो ,
मुरली री राग सुणावो रे सांवरिया।
मुरली री राग सुणावो रे बनवारी ,
गोकुल हालो गिरधारी।

आपरे कारणिये बाग़ लगाया ,
घुमण रे मिस आवो रे सांवरिया।
घुमण रे मिस आवो रे बनवारी ,
गोकुल हालो गिरधारी।
गोकुल हालो ने गायो चरावो ,
मुरली री राग सुणावो रे सांवरिया। टेर।

आपरे कारणिये भोजन बणाया,
जीमण रे मिस आवो रे सांवरिया।
जीमण रे मिस आवो रे बनवारी ,
गोकुल हालो गिरधारी।
गोकुल हालो ने गायो चरावो ,
मुरली री राग सुणावो रे सांवरिया। टेर।

आपरे कारणिये होद चुणाया ,
नहवाण रे मिस आवो रे सांवरिया।
नहवाण रे मिस आवो रे बनवारी ,
गोकुल हालो गिरधारी।
गोकुल हालो ने गायो चरावो ,
मुरली री राग सुणावो रे सांवरिया। टेर।

आपरे कारणिये झूला लगाया ,
झूलण रे मिस आवो रे सांवरिया।
झूलण रे मिस आवो रे बनवारी ,
गोकुल हालो गिरधारी।
गोकुल हालो ने गायो चरावो ,
मुरली री राग सुणावो रे सांवरिया। टेर।

चन्द्रसखी री अरज विणती ,
बेड़ो पार लगावो रे सांवरिया।
बेड़ो पार लगावो रे बनवारी ,
गोकुल हालो गिरधारी।
गोकुल हालो ने गायो चरावो ,
मुरली री राग सुणावो रे सांवरिया। टेर।

shyam vaishnav ke bhajan lyrics bhajan music video song

गोकुल हालो ने गायो चरावो भजन लिरिक्स gokul halo ne gayo charavo krishna bhajan hindi lyrics
श्री कृष्ण भजन लिरिक्स
भजन :- गोकुल हालो ने गायो चरावो
गायक :- श्याम वैष्णव

Leave a Reply