बन्नो भभूति वालो शिवजी भजन लिरिक्स

।। दोहा ।।
शिव समान दाता नहीं, विपत विदारण हार।
लज्जा मोरी राखियो, श्री नंदी के असवार।

एडो वर काई जोयो मारी माता ,
बन्नो भभूति वालो।
बन्नो भभूति वालो सैया ,
बन्नो भभूति वालो।

महादेव री जान चढ़ी है ,
जान्या बुलाया अति भारी ओ।
आक धतूरा संग चुरी राखे ,
भांग पीवे वो न्यारी रे।
एडो वर काई जोयो मारी माता ,
बन्नो भभूति वालो।

बेलन ऊपर करी सवारी ,
जाये हिमाचल द्वारे ओ।
हिमाचल घर सखिया बोली ,
बिन्द भभूति वालो।
एडो वर काई जोयो मारी माता ,
बन्नो भभूति वालो।

सासु जी अब थाली सजाई ,
बिन्द टिकण ताहि ओ।
जोगो जी जद करियो पुपाडो ,
सासु थाली पटकी।
एडो वर काई जोयो मारी माता ,
बन्नो भभूति वालो।

नारद थारो काहि रे बिगाड्यो,
एडो सगाई वठे किन्ही ओ।
हीरा जेडी गवर पारवता ने ,
इण बाबा ने दीनी।
एडो वर काई जोयो मारी माता ,
बन्नो भभूति वालो।

शिव पारवता री जोड़ बनी है ,
बैठा चवरिया माहि ओ।
ब्रह्मानंद वेद पढ़न्ता ,
गवरा जात सासरिये।
एडो वर काई जोयो मारी माता ,
बन्नो भभूति वालो।,

bhagirath suthar ke bhajan music video song,

बन्नो भभूति वालो शिवजी भजन लिरिक्स ,banno bhabhuti walo bhajan lyrics bholenath ji ke bhajan lyrics in hindi,
महादेव जी के भजन लिरिक्स,
भजन:- बन्नो भभूति वालो,
गायक :- भगीरथ सुथार,

 

Leave a Reply