मत कर सांवरा हेरो मारे थारे बराबर डेरो भजन लिरिक्स

मत कर रे सांवरा हेरो ,
म्हारे थारे बराबर डेरो।
वळता आईजो पांवणा ,
मारग में झुपडो मारो जी।

महल मालियाँ थारे ,
आ भागी झुपडो म्हारे।
वळता आईजो पांवणा ,
मारग में झुपडो मारो जी। टेर।

हिंगलू ढोलियो थारे ,
आ भागोड़ी माचली म्हारे।
वळता आईजो पांवणा ,
मारग में झुपडो मारो जी। टेर।

सिरक पथरना थारे ,
आ फाटोडी गुदडी म्हारे।
वळता आईजो पांवणा ,
मारग में झुपडो मारो जी। टेर।

ए ऊना भोजन थारे ,
ए सूखा होगरा म्हारे।
वळता आईजो पांवणा ,
मारग में झुपडो मारो जी। टेर।

गेहू गेगरा थारे ,
आ मोठ बाजरी म्हारे।
वळता आईजो पांवणा ,
मारग में झुपडो मारो जी। टेर।

हस्ती घोडा थारे ,
ओ भूरियो पाडो म्हारे।
वळता आईजो पांवणा ,
मारग में झुपडो मारो जी। टेर।

बाग बगीचा थारे ,
ए खेत में खेजड़ा म्हारे।
वळता आईजो पांवणा ,
मारग में झुपडो मारो जी। टेर।

राधा रूकमण थारे ,
आ जबर जाटणी म्हारे।
वळता आईजो पांवणा ,
मारग में झुपडो मारो जी। टेर।

कंवर कन्हैयो थारे ,
ओ भूरियो लड़को म्हारे।
वळता आईजो पांवणा ,
मारग में झुपडो मारो जी। टेर।

जाट रूपजी गावे ,
धणियो रा लाड लड़ावे।
वळता आईजो पांवणा ,
मारग में झुपडो मारो जी। टेर।

prakash mali ke bhajan lyrics

मत कर सांवरा हेरो मारे थारे बराबर डेरो भजन लिरिक्स Mat Kar Sanwara Hero desi marwadi bhajan lyrics
मारवाड़ी भजन लिरिक्स इन हिंदी
भजन :- मत कर सांवरा हेरो
गायक :- प्रकाश माली

Leave a Reply