।। दोहा ।।
रामा सामा आवजो ,कळजुग बहुत करुर।
अरज करू अजमाल रा ,थे साम्भलो जी जरूर।
म्हारा रूणिचा रा नाथ हेलो सुणजो।
में तो जोवा थारी बाट ,हेलो सुणजो।
थारे दरस रे कारणे रे बाबा ,
आया रुनिचे धाम ,विनती सुणजो।
थाने जोडू दोनो हाथ ,अरजी सुणजो।
थारे चढ़ावण कारणे ,
में घिरत चूरमा लाऊ ,हेलो सुणजो।
थारे मेवा मिश्री लाऊ ,अरजी सुणजो।
माता मेणा दे रा लाल ,हेलो सुणजो।
थारे दरस रे कारणे ,
में पैदल पैदल आया ,अरजी सुणजो।
बाबा कळजुग रा अवतार ,विनती सुणजो।
कपडे रो घोड़लियो बाबा ,
थारे चड़ाऊ आय ,हेलो सुणजो।
थारी जोत जगाउ आय ,हेलो सुणजो।
कोई अजमल घर अवतार ,हेलो सुणजो।
सुगना बाई रा वीर बाबा ,
द्वारका रा नाथ ,हेलो सुणजो।
माता मेणा दे रा लाल ,हेलो सुणजो।
निज भगता रा रखवाळ ,हेलो सुणजो।
इन कळजुग रे मायने बाबा ,
थारो है आधार ,हेलो सुणजो।
कोई लीले रा असवार ,हेलो सुणजो।
थारी लीला अपरम्पार ,हेलो सुणजो।
टाबरिया रा चढ़े झडूला ,
जात लगावा आय ,हेलो सुणजो।
थारो जम्मो जगावा आय ,हेलो सुणजो।
कोई राम सरोवर पाल ,हेलो सुणजो।
केसरियो बागो हद सोवे ,
तुर्रे तार हजार ,हेलो सुणजो।
राणी नेतल रा भरतार ,हेलो सुणजो।
थारी बोला जय जयकार ,हेलो सुणजो।
दास अशोक री विनती ,
म्हारीनाव पड़ी मझधार ,हेलो सुणजो।
बाबा कर दो भव सु पार ,हेलो सुणजो।
थाने वंदन बारम्बार ,हेलो सुणजो।
GHISULAL jigyasu ke bhajan music video song
रुणिचा रा नाथ हेलो सुणजो भजन Runicha Ra Nath Helo Sunjo baba ramdev bhajan hindi lyrics
रुणिचा रामदेव जी का भजन लिरिक्स
भजन :- रूणिचा रा नाथ हेलो सुणजो
गायक :- घीसू लाल जिज्ञासु
