माता-पिता से दगा जो करेगा चार जन्म पछताए भजन लिरिक्स

॥ दोहा ॥
मात – पिता परमात्मा , पति सेवा गुरु ज्ञान ।
इनसे हिल मिल चालिए , वो नर चतुर सुजान ॥

मात – पिता सूं दगो करेला ,
चार जनम दुख पावे ।
लख चौरासी फिरे भटकतो ,
सीधो नरक में जावे रे ,
मनवा , इतरो क्यूं इतरावे ॥

पेला रे जनम में बणे बलधियो ,
पकड़ तेली घर लावे ।
आँख्या रे थारे पाटो बांध ने ,
उल्टो चक्कर चलावे रे ,
मनवा , इतरो क्यूं इतरावे ॥
मात – पिता सूं दगो । …

दूजा जनम में बणेला बन्दरियो ,
पकड़ मदारी घर लावे ।
पाप नहीं ओ एक जनम रो ,
सात जनम दुख पावे रे ,
मनवा , इतरो क्यूं इतरावे ॥
मात – पिता सूं दगो । …

तीजा जनम में बणेला बकरियो ,
पकड़ कसाई घर लावे ।
उल्टो टेर ने छुरी फेरेला ,
बें बें कर मर जावे रे ,
मनवा , इतरो क्यूं इतरावे ॥
मात – पिता सूं दगो । …

चौथा रे जनम में बणेला गधेड़ो ,
पकड कुम्हार घर लावे ।
बिन तोल्यां माथे बोझ धरेला ,
डण्डा चार लगा वे रे ,
मनवा , इतरो क्यूं इतरावे ॥
मात – पिता सूं दगो । …

बंगलो बणायो तू दौलत कमाई ,
संचे लोक लुगाई ।
माता – पिता बीमारी भुगते ,
कुण लावे वांरे दवाई ।
एड़ी मत ना कर रे भाई ,
मात – पिता दुख पावे रे मनवा ,
मनवा , इतरो क्यूंइतरावे ॥
मात – पिता सूं दगो । …

sukhdev bharti ke bhajan video

माता-पिता से दगा जो करेगा चार जन्म पछताए mata pita se daga jo karega, sukhdev bharti ke bhajan
भजन :- मात – पिता सूं दगो करेला
गायक :- सुखदेव भारती

This Post Has One Comment

Leave a Reply