पैदल चलता चलता जय बोलो रुणीजा वाला की भजन लिरिक्स

।। दोहा ।।
हालो हरजी देवरे ,परचो रामापीर।
दुखिया ने सुखिया करे,साजा करे शरीर।

पैदल चलता चलता ,
जय बोलो रुनिचे वाला की।
रुनिचे वाला की ,
अजमल घर अवतारा की।

रुनिचे में आप विराजो ,
रामदेव अवतारी।
रामधणी रा दर्शन करवा ,
आवे दुनिया सारी।
पैदल चलता चलता ,
जय बोलो रुनिचे वाला की। टेर।

सांचो है दरबार जगत में ,
सब रा कष्ट मिटावे।
निज भगता ने रामदेव जी ,
भव सु पार लगावे।
पैदल चलता चलता ,
जय बोलो रुनिचे वाला की। टेर।

भादरवा में मेलो लागे ,
ढ़ोल नगारा बाजे।
बांध घुँघरा मंदिर आगे ,
नर नारी सब नाचे।
पैदल चलता चलता ,
जय बोलो रुनिचे वाला की। टेर।

लाछा सुगणा करे आरती ,
हरजी चंवर ढुलावे।
सांचे मन सु जो कोई ध्यावे ,
मनचाया फल पावे।
पैदल चलता चलता ,
जय बोलो रुनिचे वाला की। टेर।

बिठूजा में आप विराजो ,
रामदेव अवतारी।
रामाधणी रा दर्शन करवा ,
आवे दुनिया सारी।
पैदल चलता चलता ,
जय बोलो रुनिचे वाला की। टेर।

रामदेव री महिमा कोई ,
दास अशोक सुनाय।
शरणा माहि राखो बाबा ,
चरणा शीश झुकाय।
पैदल चलता चलता ,
जय बोलो रुनिचे वाला की। टेर।

sharda suthar ke bhajan music video songs

पैदल चलता चलता जय बोलो रुणीजा वाला की भजन Pedal Chalta Chalta Jai Bolo baba ramdev ji ke bhajan
रामदेवजी का भजन लिरिक्स
भजन :- पैदल चलता चलता जय बोलो
गायिका :- श्रद्धा सुथार

Leave a Reply